تسلمين بنت الشارقه على الموضوع ، من وجهة نظري المتواضعة اشوف ان الجمال امر مطلوب للإرتباط بأي فتاة بس مب على حساب الدين والاخلاق ، قبل ما اتقدم للزواج لازم اشوف شريكة حياتي كيف شكلها وهذا حقي الشرعي اني اشوفها وتشوفيني وما اعتمد على الكلام والصور ، الدين والاخلاق سبب رئيسي في الاختيار بس هذا ما يمنع اني اتزوج وحده ملتزمة بدينها واخلاقها وفي نفس الوقت حلوة وجميلة وشعرها وااايد طويل هع هع واعتقد ان هذا من حقي ، بالنسبة لموضوعج اعتقد ان ما فيه اي شي ان ينفصل عنها دام هم بعدهم في مرحلة الخطوبة ، صح انها بتتعب نفسياً ويتتضايج واااايد بس ترى الزواج قسمة ونصيب وان شاء الله اذا لها نصيب في الزواج بتتزوج يمكن افضل عن هذا الشخص يقول الحق سبحانه وتعالى: ﴿وَعَسى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لا تَعْلَمُونَ﴾